الجزء السابع:
مرت شهور وتم زفاف فواز على منى
عاشوا أحلى الأيام
سعاد: الوه هلأ فاطمه وش أخبارك وش أخبار منى
فاطمه:ماعليها مبسوطه امد تشتاقين لها
سعاد:ماتخيلين احس بفراغ كبير حتى غرفتنا أحسها فاضيه من غيرها
فاطمه:الله يسعدهم كلها كم اسبوع ويجون
سعاد:ياليت والله البيت من دونها طفش وكل ماضاق صدري راحت لغرفه مريم عاد تعرفين مريم تنحط على الجرح ويبراء
فاطمه :ماتخيلين وش قد أحب مريم صدق الله اذا احب عبد احبه خلقه يابخت من يأخذها
سعاد:والله صادقه.... نسيت أسألك ليه مادومتي اليوم
فاطمه:الصداع الأ ذبحني أحس اني ماني مع العالم وأحس احيانآ بغيبوبه بس تري ماقلت لأمي أمانه سعاد لأ تقولين لها تعرفين أمي ماتنام اذا درات
سعاد:مايصير لأزم تأخذين فحوصات لأتهملين نفسك
فاطمه:وش دعوه ماهي لدرجه الخطوره بعدين كل مستشفي خاص راحنى له كل فحوصات سليمه وبعدين امي علي بالها خف التعب مارجع لي علشان كذا مرتاحه
سعاد:تكفين يافاطمه روحي مستشفى حكومي أضمن لك
فاطمه:والله انك موسوسه مثل أمي بس أمانه لأتقولين لأحد
سعاد:زين بس أوعديني اذا تعبت تروحين
فاطمه:أوعدك
سعاد:تداومين بكره علشان تسليم الكتب
فاطمه:انشاءلله
سعاد:يالله مع السلأمه اشوفك بكره
فاطمه:على خير انشاءلله
يدخل عبد الرحمن الصاله
عبد الرحمن:مساء الخير
سعاد:هلأ مساء النور وينك مالك صوت بالبيت
عبد الرحمن يقعد على الكنب ويفك زر ثوبه : اهه والله تعب دوام تعرفين في أخر الرياض وزحمه سيارات
سعاد:اي والله الله يعينك تذكرني بمأساه ريم تقول فاطمه تجي تحط راسها حتى الغداء ماتغدى
وتقوم سعاد للمطبخ تجيب الأكل لعبد الرحمن
عبدالرحمن:تعال وين رايحه
سعاد:بجيب لك الأكل
عبد الرحمن:اشوي...قولي الأ كنتي تكلمينها فاطمه
سعاد:ايوه قلت أسأل عن منى وعن فاطمه كانت غائبه اليوم
عبدالرحمن:قولي لي ريم مصره على التعاقد والروحه للخرج
سعاد:أكيد رزقها وبعدين خالي واقف معها
عبد الرحمن:وهي متأقلمه معها أحد من صديقاتها
سعاد:اشوي اشوي علي وش هالأسئله عن ريم
عبدالرحمن:ضفي وجهك هاتي الغداء
سعاد:بعد ماعطيتك الأجابات طيب ياعبود
ناصر ينزل من غرفته
ناصر:السلأم هاه كيف الدوام اليوم
عبدالرحمن:وعليكم السلأم
الدوام مثل كل يوم
ناصر:الله يعينك ..أقول تطلع معنا القنص يوم الخميس
عبدالرحمن: لأوالله ماقدر عندي شغل من معكم
ناصر:علي ولد خالي وأخوينا نواف وسلطان العنزي وطلأل الحربي وسامي الشمري وخالد العنزي
عبدالرحمن:والله فله بس نواف ماظني أعرفه
ناصر:ذاكرتك مئه مئه هذا يطويل العمر يعرف طلأل وقال بطلعه معنا قلنا أوكي
عبد الرحمن:لأروحو استنسوا تكفي ياناصر انتبه وانت تقنص ترى عليك طلعات أعرفك
ناصر:لأتصير مثل أمي
بس تصدق ماحب أمسك السلأح وقدامي أحد تقدر تقول خواف
عبدالرحمن:من خاف سلم
ناصر:انا بطلع لعلي تبي شي
عبدالرحمن:سلملي عليه
ناصر يبلغ ويطلع براء البيت
بعد أسبوع بالضبط يوم الأربعاء تجي منى وفواز
تجي منى لبيت أهلها والجميع كان ينتظرها
ابو عبد الرحمن:هلأ منى والله لك وحشه البيت فاضي من دونك
منى:تسلم يبه بحسك دائم
ام عبد الرحمن:هلأ ببنيتي وش أخبارك وشلون فواز
منى:هلأ بك يمه كلنا بخير
سعاد ومريم طايرات من الفرحه يضمن منى ويبكنى
ام عبد الرحمن:وش هالفال الحمدالله ماعليها عند اهلها خلأص بكاء
ويجلسون بغرفه الجلوس منى وخواتها وامها وضحك وناسه
منى:هذا لك يالغاليه جلبيه واللون أدهم<عنابي غامق> على قولتك والخاتم أختاره فوازلك
ام عبدالرحمن:ياملأ العافيه عز الله انها حلوه
منى:مريم هذا قران بعلبه مخمليه وهذا عطر لك كل ماقريتي ادعي لي
مريم:عشتي ماقصرتي أحلي هديه الله يسعدك
منى:وهذا للدلوعه سعاد
سعاد:الله التيور كشخه عن جد ذوق تسلمين يامناوي
ام عبد الرحمن:منى يابنيتي وخالتك شريت لها
منى:افا يمه انا تربيتك انسى خالتي
ام عبدالرحمن:اهم شي خالتك تبدينها قبلي وحقها تعطينهيها كامل ولأ تعزلينها عن ولدها ولأ تطلعين سوالف بيتك يابنيتي
منى:يمه الأ مارضاه عليك مارضاه عليها
وهذا يمه هديه ابوي عود أصلي عطيهياه
يدخل ناصر وانا مالي شي هلأ بمناوي توى نور البيت
منى:هلأ بك وشلونك وشلون الطلعات
ام عبد الرحمن:البر مايوقع عنه رايح جاي
ناصر:انتي تسأليني وامي تجاوب عني
البنات هههههههههههههههههه
منى:شف نويصر اعطيك هديتك وتترك القنص
ناصر:طلبتي المستحيل
منى:مافيه فائده شف وش رايك بالعطر رجالي مركز١٠٠%
ناصر:الله هذا العطرالا ابي ادور عليه بس ماعرف اسمه
منى:انا اقول لك انت اعجبتك رائحة عطر مع صديق فواز وقلت لفواز جبلي اسمه قال لك فواز انشاءلله وماعلمك علشان يجيبه لك
ناصر:اي والله انا اقول ماهو غريبه رائحته ماتقصرين انتي وفواز نردهالكم بالأفراح
يدخل عبدالرحمن ويلقي اهله مجتمعين
عبد الرحمن:حيالله الغاليه ياهلأ بمنى
منى:هلأ عبود وشلونك
عبدالرحمن:بخير الله يسلمك
انا وجهتى ابوي براء قلت له وين تبي تروح قال اجيب ذبيحه لفواز ومنى عشاء الليله قلت منى جت قال ايه بالبيت
منى:لأ لأ يسوي عشاء انا ادق عليه
ام عبدالرحمن:لأتدقين تعشو عندنا الليله وام فواز والبنات
منى:مادري عن فواز قال اجيك الساعه سبعه مايقدر يمكن مرتبط
منى تتصل على ابوها
منى:الوه ..هلأ يبه لأتسوي عشاء ماني غريبه
يقطاعها ابو عبد الرحمن
أول ماتدخلين البيت وماعشيك
منى:لأ بس فواز تعبان مايقدر يجي
ابو عبدالرحمن:ليه وش فيه
منى:من جينا وخالي تعبان علشان فاطمه متأزم معها التعب
ابو عبدالرحمن:انا عنده قبل يومين ماعليه
منى:مادري بس خالي وفواز ماراح يجون
تقطاعهم ام عبد الرحمن
ياربي مادريت متى هالكلأم
سعاد:فاطمه غائبه لها يومين بس كلمتها تقول اشوى الدوخه وقلت أخاف اعلمك تتعبين
ام عبدالرحمن:الحين قم ودني ياناصر
منى:فواز اشوي يجي ونروح كلنا
عبدالرحمن:انا بوديك يمه بس اشوي
منى:ماعليها الحين بس ريم ماتداوم علشان خالي وأخذت عذر اسبوع
عبدالرحمن:الله يعينهم
ناصر:عبدالرحمن...ليه ريم ماتروح معك كلكم بنفس المكان
عبدالرحمن:يازينك وانت ساكت
وين المحرم
ناصر:خذ مجموعه مدرسات وانقلهن الراتب اثنين
عبدالرحمن:ليه للدرجه انا مادي
منى:عبود أخذتنا السوالف هذا هديتك طقم كباكات وأقلأم ماركه
عبد الرحمن:ماقصرتي تسلمين
وتروح منى وام عبد الرحمن تزور أخوها وفاطمه تطمن عليهم
شافت أخوها ماعليه بس تعبان نفسيآ علشان فاطمه
ام فاطمه كانت شاحبه والتعب هادها
وترجع ام عبد الرحمن للبيت وهي تدعي لهم ان الله يفرج همهم
سعاد ومريم:يمه وشلون فطوم
امها:الله يشفيها تعبانه
سعاد:انا بكره بروح لها
مريم:الله يشفيهانطلع لها بكره انشاءلله
الجزءالثامن:
في بيت ابوفواز
وبعد أسبوعين بالضبط
تتصل ريم تصيح على بيت عمته ام عبد الرحمن
يرد ناصر:الوه
ريم:الحقوني الحقوني
ناصر:مين
ريم:وين عمتي وهي تصيح
ناصر: درى انها ريم وش صاير
ريم: الحقني تكفى وترمى السماعه
ناصر:ريم...ريم
ويأخذ مفتاح السياره ويركض لبيت خاله
عبد الرحمن:وش فيك وش صاير
ناصر:ابعد عني خلى اطلع ..بيت خالي فواز لهم صياح
عبدالرحمن:انا الحقك راح بسرعه
عبدالرحمن يدخل غرفته مسرع ويأخذ مفتاح سيارته
ماشاف امه والبنات بالصاله
ام عبدالرحمن:ياربي تستر وش صاير ناصر طلع يركض وهذا بعد مثله
ينزل عبد الرحمن مسرع للبيت خاله
ام عبدالرحمن:وش صاير رد علي
عبد الرحمن:يالله يلقط نفسه مافيه شي
ويترك البيت ويطلع
في بيت ابو فواز
ريم طالعه براء البيت تبي أحد يساعدها
ابوها نسي جواله بالبيت وطلع وعلي مايرد وفواز ومنى طالعين وجوالتهم خارج التغطيه
ناصر:وش فيه ريم
ريم:فاطمه طاحت مادري وش فيها
ناصر:يالله نوديها للمستشفي
ويدخل ناصر يلقي ام فواز ماسكه فاطمه وطايحه بالصاله وتقول ياويلي بنتي راحت
ناصر:ابعدي ياخاله بشيلها للمستشفي
هنا يدخل عبد الرحمن:ناصر انا اشيلها بس قرب السياره بسرعه
وهويشيله وتلحقه ام فواز
عبدالرحمن:ريم هاتي عباة خالتي بسرعه
عبدالرحمن:ناصر وداها انا الحقك لأن ام فواز طاحت مغمي عليها
ناصر يحرك السياره ويطلع بسرعه جنونيه للمستشفى العسكري
عبدالرحمن:خاله خاله أصحي ويشربها ماء
ام فواز:تصارخ ودوني لفاطمه
عبدالرحمن:فاطمه ماعليهاالحين بوديك لها
وتطلع ام فوازلسياره عبدالرحمن
ريم واققه مصدومه وتلحقهم
بروح معكم
عبدالرحمن:صعبه خالي يجي مايلقي أحد شوفي انا بكلمك واطمنئك
ويطلع عبدالرحمن يشوف الجيران واقفين لأنهم اسمعو الصياح
يركب سيارته يبي يمشي
ويلتفت لريم عند الباب كاشفه
ينزل ويغطيها بشماغه ويدخلها
عبدالرحمن:تطمني انا بكلمك واطمنأك
ويطلع للمستشفي يودي ام فواز
وصلوا المستشفي
ام فواز:بنتي وينها بصياح يقطع القلب
عبدالرحمن:وش صار؟؟؟
ناصر:كشف عليها الدكتور ودخلها العنايه
ام فواز:ياربي ياربي رحمتك
عبدالرحمن:يتصل على فواز
فواز:هلأ ابو نسب
عبدالرحمن:فواز انا بالمستشفي
فواز:خير وش فيه
عبدالرحمن:نزل منى عند ريم ماعندها أحد
فاطمه تعبت اشوي ودينها بس وضعها مستقر
فواز:متي وليه مابلغوني...انا جاء الحين
منى:وش صاير؟؟
فواز:فاطمه تعبانه باللمستشفي
الحين بنزلك بالبيت ريم ماعندها أحد وبطلع للمستشفي اشوف فاطمه
ام عبدالرحمن تتصل على جوالأت الأعيال خارج التغطيه لأنهم عند غرفه العنايه المركزه الأ فيها فاطمه
ام عبدالرحمن:قلبي نغزني فيه شي كايد دقيلي على بيت خالك يامريم
مريم:تعوذي من الشيطان يمه مافيه الأ الخير
وتتصل على بيت خاله وتعطيه امها
ام عبد الرحمن:هلأ منى وشلونكم
منى حست ان امها ماتدري وأحتارت وش تقولها
منى:هلأ يمه حنا بخير انتي وشلو....
ام عبدالرحمن:قطاعتها وش صاير منى البنات لقنى رقم بيت خالك داق علينا واخوانك اطلعوا تقل منصدمين علميني فيكم شي
منى:هاه...لأ ...بس مافيه الأ الخير
ام عبدالرحمن:وش فيك تلخبطتي خالك فيه شي فاطمه فيه شي
منى عرفت انه لأ مفر ولأزم تجاوب
منى:....بصراحه فاطمه تعبت وودوها للمستشفي أخواني لأن مافيه أحد
ام عبدالرحمن:ياربي تستر ياربي تستر انا الحين اروح لها
منى:لأيمه ماتقدرين تدخلين يخلونك تشوفينها من ورائ الزجاج بعدين كلمنا عبدالرحمن يقول الحاله مستقره بس يمه لو تقدرين تجين عندي ريم عجزت لها منهاره بس تصيح
ام عبدالرحمن:الحين جأيتك مع السلأمه
مريم:خير يمه
سعاد:يمه لأتقولين فاطمه فيه شي تري بموت لوصارلها شي
ام عبدالرحمن:لأحول الله
يابنتي فاطمه حست بشوي تعب والحين حالتها مستقره
سعاد:تصرررخ
لأ...لأ...لأ...مستحيل يكذبون علينا يمه
مريم:تعوذي من ابليس مايصير تسوين كذا
ام عبدالرحمن:انا الحين بتصل على ابوك بطلع اشوف ريم لحاله بالبيت تقول منى تعالي هديها
سعاد:انا كله مني انا السبب
ام عبدالرحمن:خلأص ياسعاد كلن يأخذ نصيبه
ام عبدالرحمن وصلت بيت ابو فواز
ام عبدالرحمن:ياوليدي ريم قومي غسلي وجهك وصلي ركعتين وادعي لها ان الله يشفيها
ريم:وهي تصيح هذا فاطمه ياعمه الأ تشكي لي واشكي هذا روحي وتقعد تصيح وتضمها ام عبدالرحمن
منى:تبين شي يمه ؟!
ام عبدالرحمن:هاتي لي امويه
في هالحظه يدخل ابو فواز
وهومصدوم
ابوفواز:وووش فففيه(متلعثم)
ريم تزيد بكاء
ام عبدالرحمن:يابو فواز ...فاطمه تعبت اشوى وودوها للمستشفي
منى:وحالتها مستقره لأتخاف ياخالي
ابوفواز:متي...وليه ماتصلتي علي
ريم:دقيت بس جوالك نسيته بالبيت
ابو فواز:انا طالع لها بروح اشوفها
ام عبدالرحمن:وانا معك
ريم:وانا بروح اشوفها
ام عبدالرحمن:منى انا اكلمك أجلس بالبيت
منى:طيب بس طمنوني
بعد ماطلعوا بربع ساعه جاء علي
ريم...ريم
منى:هلأ علي
علي:وين الناس تقل مافيه أحد
منى:.......
علي:منى وش فيك صاير شي
منى:....راحوا....للمستشفي يشوفون فاطمه تعبت عليهم اليوم
علي:فاطمه؟! اي مستشفي قوليلي
منى:مستشفي العسكري
ويطلع بسرعه علي
في المستشفي كان الوضع بكاء وحزن على فاطمه الدلوعه اخر العنقود في عائلتهم